Nadzoman Maulid Nabi Muhammad SAW

 

Picture by : Picsart Editing

loading...

Bismillahirrahmanirrahim...

Assalamu`alaikum.W.W

Bulan Rabi`ul Awal tentunya merupakan bulan yang sangat bersejarah dan teramat penting bagi Umat Islam, karena pada bulan inilah Nabi akhir zaman yang menjadi penutup para Nabi sebagai sayyidul mursalin dilahirkan kedunia, beliau adalah jungjunan kita Nabi Muhammad SAW, mahluk ciptaan Allah SWT yang paling mulya dan paling sempurna.

Pada kesempatan kali ini Admin ingin membagikan sebuah nadzoman berbahasa sunda yang sering dibaca oleh para pendahulu kita di masjid-masjid dan madrasah-madrasah, namun saat ini sudah jarang terdengar, karena mungkin sudah banyak yang tidak tau liriknya. oleh karena itu mari kita pelajari kembali dan terus ajarkan kepada anak cucu kita supaya nadzoman ini tidak dilupakan.

langsung saja berikut lirik nadzomannya :

BismillaahirRohmaanirRohiim

1

Nabi urang saréréa,

Kangjeng Nabi anu mulya,

Muhammad jenenganana,

Arab Kurés nya bangsana.

2

Ramana Gusti Abdullah,

Ibuna Siti Aminah,

dibabarkeunana di Mekah,

wengi Senén taun Gajah.

3

Robiul awal bulanna,

tanggal kadua belasna,

April bulan maséhina,

tanggal kadua-puluhna.

4

Ari bilangan taunna,

lima ratus cariosna,

tujuh puluh panambihna,

sareng sahiji punjulna.

5

Siti Aminah misaur,

waktos babarna kacatur,

ningal cahaya mani ngempur,

di bumina hurung mancur 

6

Babar taya kokotoran

Orok tos kenging nyepitan

Soca lir kenging nyipatan

Sarta harum seuseungitan

7

Medal Nabi Akhir Zaman

Pirang-pirang ka anehan 

Sesembahan Bangsa Syetan 

Kabeh pada Karuksakan

8

Nabi yuswa Lima Bulan

Geus Yasa Angkat - angkatan 

Yuswana Salapan Bulan 

Geus Capetang Sasauran 

9

Yuswana Sapuluh Bulan 

Yasa Ameng Papanahan 

Ngéléhkeun Budak nu Lian 

Tapi tara kumagungan 

10

Parangina Kangjeng Nabi,

jatnika pinuh ku puji

pinter tur gedé kawani,

sabar nyaah ka sasami.

11

Keur opat taun yuswana,

diberesihan manahna,

nabi dibeulah dadana,

malaikat nu meulahna.

12

Jibril kadua réncangna

Mikail jenenganana,

ngeusikeun kana manahna,

elmu hikmah sapinuhna.

13

Tuluy dada Kanjeng Nabi,

gancang dirapetkeun deui,

sarta teu ngaraos nyeri,

dicap ku Khotami Nabi.

14

Rama Nabi kacaturkeun

pupusna kacarioskeun

basa Nabi dibobotkeun

dua sasih kaunggelkeun

15

Kagenep taun yuswana

ditilar pupus ibuna

Nabi dirorok eyangna

Abdul Mutalib asmana

16

Kersana Rabbul’alamin

Kangjeng Nabi nu prihatin

yuswa dalapan taun yakin

éyangna mulih ka batin

17

Sabada wapat éyangna

Nabi dirawat Uwa na 

Abi Talib kakasihna

sadérék teges ramana

18

Kangjéng Nabi sering pisan

dicandak ka Nagara Sam

sok nyandak barang dagangan

di dinya téh pajeng pisan

19

Kacatur di éta nagri

loba pandita Yahudi

sareng pandita Nasrani

nu tepang jeung Kangjeng Nabi

20

Sadayana sasauran

ieu jalmi mo nyalahan

pinabieun ahir jaman

Torét, Injil, geus ngiberan

21

Sipat Nabi panganggeusan

aya di anjeunna pisan

harita loba nu iman

ka Nabi ngangken panutan

22

Lami - Lami Kangjeng Nabi 

Di Sambat ku Hiji Istri 

Dagang ka Unggal Nagri 

Ka untungana di bagi 

23 

Istri Jenengan Khodijah

Putra Huwailid katelah 

Nu pang Bengharna di Mekah

Ka Nabi kalangkung nyaah

24

Siti Khodijah masrahan 

Ka Nabi Barang Dagangan 

Mesaroh nu Ngarencangan 

Ka Nabi purah Nyarengan 

25

Kacarios MeMesaroh teh 

Loba pamendakna Aneh 

Cicirén Nabi nu Sholeh 

Matak ngagerakkeun Kabeh

26

Tatangkalan uluk Salam 

Mega bodas sok Mayungan 

Jeung aya cap Kanabian 

Dina salirana pisan

27

Pamendak Siti Khodijah 

Cocok pisan jeung Mesaroh 

Akhirna Siti Khodijah 

Ka Nabi mundut di Tikah 

28

Harita yuswana Nabi 

Salawe tahun kawarti 

Ngadak - ngadak Sugih Mukti 

Tapi tambah sae Ati

29

Karesepna Kangjeng Nabi

ka Gusti Allah ngabakti

di Gunung Hira maranti,

ibadahna saban wengi.

30

Di dinya jol kasumpingan,

Jibril nu nurunkeun Kur’an,

kalawan dawuh Pangéran,

Nabi didamel utusan.

31

Harita yuswana Nabi,

patpuluh taun kawarti,

diutus ku Allah pasti,

ngémbarkeun agama suci.

32

Anu iman pangheulana,

Siti Khodijah garwana,

Abu Bakar kaduana

sohabat nu pangmulyana

33

Murangkalih nu nonoman,

anu pangheulana iman,

Sayidina Ali pisan,

ka Nabi sadérék misan.

34

Jeung ari jalma beulian,

anu pangheulana iman,

Sayid Bilal kaleresan,

anu jadi tukang adan.

35

Ari lolobana pisan

ka Nabi téh ngamusuhan,

nganiaya ngajailan,

teu aya pisan ras-rasan.

36

Para Shohabat kungsi Ngalih 

Ka Nagri Habsi nu teubih

Didinya Anjeuna Linggih

Kirang kenging tilu sasih

37

Samulih Shohabat ti Habsi 

Kacarios Kangjeung Nabi 

Kenging pohara Cocobi 

Kersana nu Maha Suci 

38

Uwa na sareng Garwa na 

Pada pupus duanana 

Harita Nabi yuswana 

Kalima puluh tahunan 

39

Geus pupus Siti Khodijah 

Nikah ka Siti Saodah 

Sareng ka Siti 'Aisyah 

Ummil Mu'minin ka telah 

40

Tidinya kersa Pangéran 

Maparinan Kamulyaan

Ka Nabi nu Akhir Zaman 

Kakasih nu Sifat Rohman 

41 

Nuju tanggal tujuh likur,

bulan Rajab nu kacatur,

runut kaol nu kamashur

Kangjeng Nabi téh disaur.

42

Dipapag ku malaikat,

nyandak burok nu kasebat,

leumpangna téh cara kilat,

tutunggangan Nabi angkat.

43

Ti Mekah ka Baitul Maqdis,

teu lami-lami antawis,

ku jalmi henteu katawis,

Kersana Gusti nu Wacis.

44

Ti Baétul Makdis terasna,

naék tangga saterusna,

mi’raj téa kasebatna,

ka langit Nabi sumpingna.

45

Tujuh langit sadayana,

sareng aras pangluhurna,

disumpingan sadayana,

katut surga-narakana.

46

Kangjeng Nabi ditimbalan,

ku Gusti Nu Sipat Rahman,

anjeunna kudu netepan,

solat muji ka Pangéran.

47

Sadayana jalmi iman,

sami gaduh kawajiban,

solat nu lima giliran,

henteu meunang dikurangan.

48

Solat éta minangkana,

dina agama tihangna,

jalmi nu luput solatna,

nyata rubuh agamana.

49

Kacarios dina Zaman 

Mi'rojna Nabi Panutan 

Yuswana teh kaleresan 

Lama puluh dua jalan

50

Kapir Mekah kacaturkeun,

barang Nabi nyarioskeun,

mi’raj lain dimulyakan,

anggur pada nyeungseurikeun.

51

Pada hasud ngakalakeun,

ti dinya Allah ngersakeun,

Kangjeng Nabi dialihkeun,

ka Madinah disirnakeun.

52

Para sohabat pirang-pirang,

nu buméla milu iang,

milu ngalih saabrulan,

henteu pisan sumoréang.

53

Tambih kamulyaan nabi,

di madinah asal sepi,

jadi ramé ku nu ngaji,

muji ka Nu Maha Suci.

54

Sapuluh taun lamina,

di Madinah jumenengna,

agama Islam cahyana,

gumebyar ka mana-mana.

55

Nagri Mekah di Perangan 

Akhirna kaboyong pisan 

Nabi tambah kamulyaan 

Yaqin lain Jijieunan 

56

Ari yuswa Kangjeng Nabi 

Genep puluh tilu pasti 

Maqomna di jeuro Nagri 

Madinah Nagara Suci 

57

Puputrana Kanjeng Nabi

Aya Opat anu Istri 

Siti Zenab nu Kahiji 

Ruqoyah nu hiji deui

58

Ummi Kulsum katiluna 

Siti Fatimah Bungsuna 

Ari putra nu Cikalna 

Sidna Qosim kakasihna 

59

Sidna 'Abdullah Raina 

Ibrohim nu katiluna 

Eta nu genep putrana 

Siti Khodijah Ibuna

60

Sidna Ibrohim Ibuna

Mariyah jenenganana 

Istri ti Mesir asalna 

Tah kitu turunanana 

61

Putra nu pameugeut kabeh 

Pupus keur Aralit keneh 

Nu istri Carogena teh 

Para Shohabat nu Sholeh 

62

Siti Zenab Carogena 

Abul'Ash Jenenganana 

Siti Ruqoyah Carogena 

Sidna 'Utsman mimitina 

63

Geus Siti Ruqoyah Hilang 

Anjeuna turun Ka ranjang 

Ummi kultsum putri Lanjang 

Di Tikah geuntos nu Hilang 

64

Caroge Siti Fatimah 

Sidna 'Ali nu katelah 

Bakarromallahu Wajhah 

Anu ka Mashurkeun gagah 

65

Ari Putu Kanjeng Nabi 

Dalapan pamegeut Istri 

Siti Umamah jeung 'Ali 

Ti Siti Zenab kawarti 

66

Ari Sidna 'Abdullah mah 

Putu ti Siti Ruqoyah 

Putu tu Siti Fatimah 

Aya Lima kabeh namah 

67

Tilu anu pameugeutna 

Sidna Hasan kakasihna 

Sidna Husen ka duana 

Sidna Muhsin ka tiluna 

68

Ummi Kulsum nu Istrina 

Ka Sidna 'Umar Nikah na 

Sitna Zenab ka duana 

Nurut Ungeuling wartosna 

69

Urang kudu Cinta ati 

Ka Turunan Kanjeng Nabi

Poma ulah goreng Ati 

Sumawona Hiri dengki

70

Ari mungguh Kangjeng Nabi,

nyaahna langkung ti misti,

ka umatna jaler istri,

leuwih ti sepuh pribadi.

71

Welas asih ka nu miskin,

sumawon ka budak yatim,

pada seubeuh ku paparin,

kadaharan jeung pisalin.

72

Akurna ka urang kampung,

calik satata ngariung,

tara angkuh jeung adigung,

sanajan ka urang gunung.

73

Ka nu nandang kasusahan,

gering jeung kapapaténan,

ngalayad sarta ngubaran,

ngajajapkeun ka kuburan.

74

Manis saur manis budi,

éstu mustikaning jalmi,

sajagat mo’ mendak deui,

saé rupa jeung parangi.

75

Raray lir bulan purnama,

halisna lir katumbiri,

waos lir inten widuri,

salira harum wawangi.

76

Éstu kersaning Pangéran,

lain seungit dimenyanan,

karinget pada nandéan,

diparaké seuseungitan.

77

Sakitu Nabi mulyana 

Taya pisan adigung na 

Angkat pungkureun Shohbatna 

Kalangkung handap Asorna 

78

Anggoan kersa lumayan 

Najan nu geus di Tambalan 

Kitu deui katuangan 

Bangeut pisan di Kurangan 

79 

Beutah dina Kamiskinan 

Lain Sabab teu kagungan 

Ngahaja bae ngirangan 

Ngarah karidhoan Tuhan 

80

Pirang-pirang mujijatna,

tawis kanabianana,

Kur’an nu nomer hijina

mujijat nu pangmulyana.

81

Tangkal nu pérang daunna,

disiram urut abdasna,

ngadadak loba buahna,

sarta hirup saterasna.

82

Domba nu banget kuruna,

sarta lalépét susuna,

diusap ku pananganna,

ngadadak juuh susuna

83

Dina hiji waktos deui,

sahabat bet kirang cai,

teras baé Kangjeng Nabi,

mundut cai anu kari

84

Cai ngan sakedét pisan,

éstu kabéh pada héran,

Nabi neuleumkeun panangan,

dumadak tuluy manceran.

85

Cai mancer loba pisan,

ka luar tina panangan,

sela-sela ramo pisan,

cukup keur jalma réaan.

86

Kacatur Hiji Beudeuwi 

Ngadoja ka Kanjeng Nabi 

Nitah nyaur tangkal kai 

Sina ngomong cara Jalmi

87

Tuluy Tangkal teh di Saur 

Harita ku Kanjeng Rosul 

Tangkal datang ngagulusur 

Akarna teh di Gugusur 

88

Ngadeuheus ka Kanjeng Nabi 

Uluk Salam cara Jalmi 

Sanggeus kitu balik deui 

Ka tempat asalna tadi 

89

Badwi teh ngan kantun Héran 

Ningal eta ka anehan 

Tuluy bae asup Islam 

Ka Nabi ngangken panutan 

90

Saliana Loba deui 

Mu’jizatna Kanjeng Nabi 

Mun di wincik Hiji - hiji 

Keur nulisna moal mahi

91

He Allah nu Sifat Rohman 

Abdi Sadayana Iman 

Teu Aya deui Pangéran 

Lian ti Anjeuna pisan 

92

Nu ngadamel Bumi 'Alam 

Rawuh saeusina pisan 

Nu Wajib di Ibadahan 

Teu aya anu nyésa pisan 

93

Sareng abdi Iman deui 

Ka Sidna Muhammad Nabi 

Yen eta utusan Gusti 

Miwulang sadaya Jalmi 

94

Nu Sifat ka percayaan 

Bijaksana tur Budiman 

Bener unggal sasauran 

Najan Saur kaheureuyan 

95

Ngémbarkeun Kanjeng Nabi téh 

Ka Jalma sadunya kabeh 

Dawuh Pangéran nu Shoheh 

Nu Wajib di Turut nateh 

96

Hurmat urang ka Anjeuna 

Dina mangsa jumenengna 

Sareng sa ba'da Wafat na 

Eta teu aya beda na 

97

Duh Gusti jungjunan abdi 

Sidna Muhammad habibi 

Pamugi salira nampi 

Kanu hina diri abdi 

98

'Abdi umat akhir zaman 

Anu banget panasaran 

Hoyong tepang ngadeuheusan 

Seja tumut serah badan 

99

Di Yaumil Akhir pamugi 

'Abdi sing janten ngahiji 

Sareng indung bapa 'Abdi 

Ngiring Gusti ka Sawargi 

Alhamdulillaah

Itulah lirik Nadzoman Maulid Nabi Muhammad SAW yang berbahasa sunda, mari kita senantiasa bacakan nadzoman tersebut di masjid dan madrasah yang ada di lingkungan kita, semoga di akhirat kelak kita mendapatkan syafa`at dari Nabi Muhammad SAW.

Demikian artikel kali ini Admin post, semoga bermanfaat...

Download Lirik Nadzoman Maulid Nabi Muhammad SAW : (PDF) / (DOC)